“Vazir kubogi”da faol ishtirok etganlar taqdirlandi
“Vazir kubogi”da faol ishtirok etganlar taqdirlandi
2026-yil 23–29-mart kunlari Surxondaryo viloyatida o‘quvchi qizlar o‘rtasida futbol bo‘yicha “Maktabgacha va maktab ta’limi vaziri kubogi” musobaqasi yuqori saviyada tashkil etildi.
Mazkur sport tadbirini munosib o‘tkazishda jonbozlik ko‘rsatgan xodimlar va yoshlar mehnatini e’tirof etish maqsadida vazir o‘rinbosari Farhod Boqiyev boshchiligida uchrashuv tashkil etildi.
Uchrashuv davomida viloyat boshqarmasi mas’ullari hamda Termiz davlat pedagogika instituti talabalari tomonidan amalga oshirilgan tashkiliy ishlar alohida e’tirof etildi. Ularning fidoyiligi va mas’uliyati yuqori baholanib, faol ishtirokchilarga tashakkurnomalar topshirildi.
Tadbir yakunida talabalar tomonidan namoyish etilgan badiiy chiqishlar yig‘ilganlarga ko‘tarinki kayfiyat bag‘ishladi.