"Vazir kubogi"ni o‘tkazishda faollik ko‘rsatgan xodimlar taqdirlandi
2026-yil 23–29-mart kunlari Surxondaryo viloyatida o‘quvchi qizlar o‘rtasida futbol bo‘yicha “Maktabgacha va maktab ta’limi vaziri kubogi” musobaqasi yuqori saviyada tashkil etilib, ko‘tarinki ruhda o‘tkazildi.
Mazkur sport tadbirini munosib tashkil etishda jonbozlik ko‘rsatgan xodimlar hamda yoshlar mehnatini e’tirof etish maqsadida Maktabgacha va maktab ta’limi vaziri o‘rinbosari Farhod Boqiyev tomonidan uchrashuv tashkil etildi.
Uchrashuv davomida viloyat Maktabgacha va maktab ta'limi boshqarmasi mas’ul xodimlari hamda Termiz davlat pedagogika instituti talabalari tomonidan amalga oshirilgan tashkiliy ishlar alohida e’tirof etilib, ularning fidoyiligi va mas’uliyati yuqori baholandi. Faol ishtirok etganlarga samimiy minnatdorlik izhor qilinib, tashakkurnomalar topshirildi.
Tadbir yakunida institut talabalari tomonidan namoyish etilgan badiiy chiqishlar yig‘ilganlarga ko‘tarinki kayfiyat bag‘ishlab, uchrashuvga o‘zgacha ruh va fayz kiritdi.