Talabalar eko-volontyorlik harakati doirasida kampus va uning atrofini tartibga keltirish bo‘yicha aksiya o‘tkazdi.

Termiz davlat pedagogika institutida “O‘zbekiston ekovolontyor talabalari harakati” a’zolari tashabbusi bilan institut hududi va uning atrofi bo‘ylab ekologik tozalash aksiyasi tashkil etildi. Mazkur tadbir talabalar o‘rtasida ekologik mas’uliyat, tozalik madaniyati va atrof-muhitga ehtiyotkor munosabatni mustahkamlashga qaratildi.

Aksiya davomida talabalar ko‘chalar, yo‘laklar, yashil hududlar va chiqindilar to‘planib qolgan nuqtalarni tozaladilar, obodonlashtirish ishlarida faol ishtirok etdilar hamda chiqindilarni belgilangan joylarga chiqarish bo‘yicha amaliy faoliyat olib bordilar. Tashabbus jarayonida ekologik tozalik, mas’uliyatli xulq-atvor va kampus muhiti sifatini yaxshilashga qaratilgan jamoaviy yondashuv namoyon bo‘ldi.

Mazkur eko-volontyorlik faoliyati talabalar ekologik savodxonligini oshirish, barqaror kundalik xulq-atvor ko‘nikmalarini shakllantirish va kampus hamjamiyatida ekologik madaniyatni rivojlantirishga xizmat qildi.