Talabalar mahalla hududini tozalash va yashil maydonlarni parvarishlash bo‘yicha volontyorlik tadbiri o‘tkazdi.

Termiz davlat pedagogika institutida talabalar ekologik tashabbuslari doirasida “Mahallam tozaligi – yurtim obodligi” shiori ostida volontyorlik tadbiri tashkil etildi. Mazkur tashabbus talabalarni jamoatchilik asosidagi ekologik faoliyatga jalb etish, mahalla hududlarida tozalik madaniyatini mustahkamlash hamda yashil maydonlarni asrash va parvarishlash bo‘yicha amaliy ko‘nikmalarini rivojlantirishga qaratildi.

Tadbir davomida talabalar mahalla ko‘chalari va umumiy foydalanish hududlarini tozalash, chiqindilarni yig‘ishtirish, daraxt va gullarni parvarishlash hamda atrof-muhitga nisbatan mas’uliyatli munosabatni targ‘ib qilish bo‘yicha amaliy ishlarni amalga oshirdilar. Shu bilan birga, ekologik va ijtimoiy mas’uliyat uyg‘unligi asosida ayrim xonadonlar hovli atrofi tartibga keltirildi.

Mazkur volontyorlik faoliyati talabalar o‘rtasida ekologik madaniyatni rivojlantirish, jamoaviy mas’uliyatni oshirish va jamiyatga asoslangan ekologik faoliyat ko‘nikmalarini shakllantirish nuqtai nazaridan muhim tashabbus bo‘ldi.