Xalqaro tarixchilar kuni

Termiz davlat pedagogika instituti Pedagogika va ijtimoiy fanlar fakultetida 28-mart — Xalqaro tarixchilar kuni munosabati bilan mazmunli ma’naviy-ma’rifiy tadbir tashkil etildi.

Tadbir davomida buyuk tarixiy shaxslar siymolari jonlantirilib, ularning hayoti va faoliyati sahna ko‘rinishlari orqali namoyish etildi. Bu esa ishtirokchilarning tarix faniga bo‘lgan qiziqishini yanada oshirdi.

Shuningdek, talabalar o‘rtasida “Zakovat” intellektual o‘yini ham tashkil etilib, unda ishtirokchilar o‘z bilim va tafakkurlarini sinovdan o‘tkazdilar.

Mazkur tadbirda institut rektori A.Xasanov ham ishtirok etib, yoshlarning tarixga bo‘lgan qiziqishini yuqori baholadi hamda bunday ma’rifiy tadbirlar yoshlar dunyoqarashini kengaytirishda muhim ahamiyat kasb etishini ta’kidladi.