Termiz davlat pedagogika institutida respublika ilmiy-amaliy anjumani bo‘lib o‘tdi
Bugun Termiz davlat pedagogika institutida “YANGI O‘ZBEKISTON VA MA’NAVIY YANGILANISHLAR DAVRI: FAN VA TA’LIM-TARBIYANING DOLZARB MUAMMOLARI” mavzusida respublika ilmiy-amaliy anjumani bo‘lib o‘tdi.
Anjumandan ko'zlangan asosiy maqsad — Yangi O‘zbekiston sharoitida ma’naviy yangilanish jarayonlarini ilmiy jihatdan tahlil qilish, fan va ta’lim-tarbiya tizimidagi dolzarb muammolarni aniqlash hamda ularni hal etish bo‘yicha ilmiy-amaliy taklif va tavsiyalar ishlab chiqishdan iborat bo‘lib, jarayon davomida ishtirokchilar Yangi O‘zbekiston, ma’naviy makon va ma’naviy yangilanishlar, globallashuv jarayonlari, raqamli texnologiyalar, shuningdek, fan va ta’lim-tarbiyaning dolzarb masalalari yuzasidan o‘z fikr-mulohazalarini bildirdilar.
Ushbu nufuzli anjumanda respublikamizning 10 ga yaqin oliy ta’lim muassasalari va ilmiy markazlaridan 30 ga yaqin olimlar, shuningdek, yosh tadqiqotchilar, doktorantlar hamda magistrantlar onlayn va oflayn shaklda ishtirok etdilar. Jumladan:
O‘zbekiston milliy pedagogika universiteti
Toshkent davlat yuridik universiteti
Termiz davlat muhandislik va agrotexnologiyalar universiteti
Qarshi davlat universiteti
Termiz davlat universiteti
Termiz iqtisodiyot va servis universiteti
Yoshlar muammolarini o‘rganish va istiqbolli kadrlarni tayyorlash instituti
Imom Termiziy xalqaro ilmiy tadqiqotlar markazi
Imom Termiziy nomidagi islom instituti.
Anjuman yakunida ma’naviy yangilanish jarayonlarini chuqur ilmiy asosda o‘rganish, fan va ta’lim-tarbiya tizimini takomillashtirish hamda ilmiy-amaliy hamkorlikni yanada kuchaytirish bo‘yicha taklif va tavsiyalar ishlab chiqildi.
Mazkur ilmiy-amaliy anjuman Yangi O‘zbekiston taraqqiyot strategiyasi doirasida fan va ta’lim sohasining muhim o‘rni va ahamiyatini yana bir bor namoyon etdi.