IDS bilan ilmiy hamkorlikni rivojlantirish masalalari muhokama qilindi
Joriy yilning 10–12 mart kunlari Germaniya Federativ Respublikasining Mannheim shahrida joylashgan Leibniz-Institut für Deutsche Sprache (IDS)ning 62-yillik hisobot konferensiyasi bo‘lib o‘tmoqda. Mazkur nufuzli xalqaro ilmiy anjumanda institutimiz delegatsiyasi ham faol ishtirok etmoqda.
Konferensiya doirasida 11-mart kuni institutimiz delegatsiyasi va IDS rahbariyati o‘rtasida muhim uchrashuv tashkil etildi. Unda IDS direktori Henning Lobin hamda institut olimlari bilan o‘zaro ilmiy hamkorlikni yanada rivojlantirish masalalari muhokama qilindi.
Shuningdek, tomonlar ilmiy konferensiyalar, seminarlar va akademik almashinuv dasturlarini yo‘lga qo‘yish orqali ikki muassasa o‘rtasidagi hamkorlikni yangi bosqichga olib chiqish muhimligini ta’kidladilar.
Mazkur uchrashuv kelgusida ilmiy aloqalarni mustahkamlash, qo‘shma tadqiqotlar olib borish hamda xalqaro akademik hamkorlikni kengaytirishga xizmat qilishi kutilmoqda.
Ma'lumot uchun, Termiz davlat pedagogika instituti 2025 yildan IDS ning O'zbekistondagi yangi hamkori sifatida kelishuvga qo'shilgan edi