Maktab va institut o‘rtasida samarali hamkorlik
Kuni kecha O‘zbekiston Respublikasi Prezidentining 2022-yil 21-iyundagi PQ-289-son qarorining 2-ilovasidagi 6.3-band talabiga muvofiq, Pedagogika va ijtimoiy fanlar fakulteti “Pedagogika va inklyuziv ta'lim" kafedrasi professor-o‘qituvchilari hamda 3-bosqich “Pedagogika” yo‘nalishi talabalari Termiz shahridagi 19-maktabga tashrif uyushtirdilar.
Ushbu tashrif bilan oliy ta’lim muassasalari talabalarining amaliy ko‘nikmalarini oshirish, ta’lim tizimidagi hamkorlikni mustahkamlash va Prezident qarorida belgilangan “Maktabda bir kun” loyihasini amalga oshirish maqsad qilindi.
Tashrif davomida 10-11-sinf o‘quvchilari bilan uchrashuv o‘tkazilib, ularga Termiz davlat pedagogika instituti faoliyati, ta’lim yo‘nalishlari, shuningdek institutda yaratilgan shart-sharoitlar haqida batafsil ma’lumotlar berildi.
Bu tashabbus maktab hamda oliy ta’lim muassasalari o‘rtasida samarali hamkorlikni rivojlantirish, yoshlarni pedagogika sohasiga qiziqtirishda muhim ahamiyatga ega.