Termiz davlat pedagogika instituti talabalari ishtirokida profilaktik tadbir tashkil etildi.
Adolat SDP Surxondaryo viloyat Kengashi hamda Surxondaryo viloyat IIB Axborot texnologiyalari sohasidagi jinoyatlarga qarshi kurashish boshqarmasi bilan hamkorlikda
“Ogoh bo‘ling, firibgar!” shiori ostida firibgarlikka qarshi targ‘ibot-profilaktik aksiyasi o‘tkazildi.
T adbir davomida talabalarga zamonaviy firibgarlik turlari, xususan:
1. soxta bank xabarlari va yolgʻon havolalar,
2. ijtimoiy tarmoqlardagi yolg‘on e’lon va investitsiya va’dalari,
3. plastik karta ma’lumotlarini qo‘lga kiritish holatlari
haqida batafsil ma’lumotlar berildi.
Mutaxassislar tomonidan real hayotiy misollar asosida tushuntirishlar olib borilib, shaxsiy ma’lumotlarni himoya qilish, ikki bosqichli parollardan foydalanish, shubhali qo‘ng‘iroq va xabarlarga ishonmaslik bo‘yicha amaliy tavsiyalar berildi.