“Ma'rifat maydoni” ko‘rik tanlovining hududiy bosqichi o‘tkazildi

Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tomonidan tashkil etilgan “Ma'rifat maydoni” ko‘rik tanlovining yangi mavsumiga start berilgan edi. Shu doirada bugun Toshkent davlat tibbiyot universiteti Termiz filialida tanlovning hududiy bosqichi bo‘lib o‘tdi.

 Musobaqa uchta— «Adiblar hayoti», «Tezkor savol-javob» va «Adiblar hayoti va ijodidan sahnalashtirilgan kompozitsiya» shartlari bo‘yicha bellashdilar. Tanlovda, ishtirokchi jamoalar o‘z bilim va mahoratlarini namoyish etishib, g'oliblik uchun qizg‘in kurash olib bordilar.

Musobaqa yakuniy natijalariga ko'ra:
3-o‘rin Termiz davlat universiteti jamoasiga,
2-o‘rin Termiz iqtisodiyot va servis universitetiga,
1-o‘rin Termiz davlat pedagogika institutining «Ma'rifat yog'dusi» jamoasiga nasib etdi.

  Tanlov  yakunida g‘olib va sovrindorlar munosib taqdirlandilar.
 Ushbu tanlov talaba yoshlarni ma’rifat, madaniyat va ijodga yanada yaqinlashtirish, ularning ijtimoiy faolligini oshirishga xizmat qilmoqda.