Giyohvandlikka qarshi oylik doirasida targ‘ibot tadbiri tashkil etildi

 Respublikamiz bo‘ylab fevral oyi  “Yoshlar orasida giyohvandlik va psixotrop moddalarni tarqalishini oldini olish oyligi” deb e’lon qilingan. Mazkur oylik doirasida Termiz davlat pedagogika institutida talaba-yoshlar ishtirokida navbatdagi targ‘ibot tadbiri tashkil etildi.

 Tadbirda Ichki ishlar vazirligi hamda viloyat Ichki ishlar boshqarmasi mas’ul xodimlari, shuningdek, vrach-narkolog ishtirok etdi. Uchrashuv davomida mutaxassislar tomonidan giyohvandlik va psixotrop moddalar iste’molining inson salomatligi va jamiyat hayotiga salbiy ta’siri, noqonuniy savdo bilan bog‘liq javobgarlik hamda uning ayanchli oqibatlari haqida batafsil ma’lumotlar berildi.

 Shuningdek, mavzuga oid slaydlar va videoroliklar namoyish etilib, real hayotiy misollar orqali yoshlar ogohlikka chaqirildi. Talabalar o‘zlarini qiziqtirgan savollarga mutaxassislar tomonidan atroflicha javob oldilar.

 Mazkur tadbir yoshlar o‘rtasida sog‘lom turmush tarzini targ‘ib qilish, ularni turli zararli illatlardan asrash hamda huquqiy ong va madaniyatini yuksaltirishga xizmat qiladi.