Alisher Navoiy merosi — ma’naviyat va milliy o‘zlik timsoli
Buyuk mutafakkir, o‘zbek adabiy tilining asoschisi va davlat arbobi Alisher Navoiy tavalludining 585 yilligi munosabati bilan Termiz davlat pedagogika instituti Tabiiy va aniq fanlar fakulteti Fizika kafedrasi professor-o‘qituvchilari hamda talabalari ishtirokida ma’naviy-ma’rifiy tadbir tashkil etildi.
Tadbir davomida Alisher Navoiyning boy adabiy-ma’naviy merosi, uning o‘zbek tili ravnaqi va milliy madaniyatimiz taraqqiyotidagi beqiyos o‘rni haqida fikrlar bildirildi. Buyuk bobokalonimizning asarlaridan namunalar o‘qilib, g‘azal va hikmatli so‘zlari yodga olindi.
Mazkur tadbir yoshlar ongida ona tiliga muhabbat, milliy qadriyatlarga hurmat va ma’naviy kamolot tuyg‘ularini mustahkamlashga xizmat qildi.