“Yashil makon” – kelajak uchun ekilayotgan umid nihollari

 Bugungi kunda atrof-muhitni muhofaza qilish, ekologik barqarorlikni ta’minlash va aholi salomatligini mustahkamlash dolzarb masalalardan biridir. Shu jihatdan, mamlakatimizda amalga oshirilayotgan “Yashil makon” umummilliy loyihasi tabiatni asrash va kelajak avlod uchun sog‘lom muhit yaratishda muhim ahamiyat kasb etmoqda.

 Mazkur loyiha doirasida hududlarda millionlab daraxt va butalar ekilmoqda, yashil hududlar kengaytirilmoqda. Bu esa havodagi zararli gazlar miqdorini kamaytirish, iqlimni yumshatish, tuproq eroziyasining oldini olishga xizmat qiladi.  Ushbu tadbirlar doirasida bugun, Angor tumanining "Talloshqon" mahallasi hududida ham «Yashil belbog‘» dasturi uchun ajratilgan yer maydonining 3 gektarlik yer maydonida Termiz davlat pedagogika instituti professor-o‘qituvchilari va texnik xodimlari tomonidan 6 mingdan ortiq mevali va manzarali daraxt hamda archa ko‘chatlari ekildi.

 Bu tashabbus nafaqat hududning ekologik holatini yaxshilash, balki aholining hayot sifatini oshirish, shuningdek, tabiiy muhitni saqlash va ko‘kalamzorlashtirish yo‘lida muhim qadamdir. Ko‘chat ekish orqali shahar va qishloqlarda yashil hududlarni kengaytirish, havoni tozalash hamda iqlimni yumshatishga xizmat qiluvchi tabiiy zonalar barpo etilmoqda. Bunday loyihalar kelajak avlod uchun sog‘lom muhit yaratishda katta ahamiyatga ega.