“Navoiy qalblarda yashar abadiy” shiori ostida ma’naviy-ma’rifiy tadbir o'tkazildi
Bugun Alisher Navoiy tavalludiga bag‘ishlab “Navoiy qalblarda yashar abadiy” shiori ostida Tillar fakultetida ma’naviy-ma’rifiy tadbir o‘tkazildi. Tadbirda Tillar fakulteti o‘zbek tili va adabiyoti yo‘nalishi talabalari faol ishtirok etdilar.
Mazkur tadbir Tillar fakulteti xotin-qizlar masalalari bo‘yicha dekan maslahatchisi Nodira Hamidova ishtirokida tashkil etilib, tadbirga O‘zbekiston Yozuvchilar uyushmasidan Abdulla Qo‘shanov va Muzaffar Qurbonov faxriy mehmon sifatida tashrif buyurdilar.
Tadbir davomida talabalar tomonidan tayyorlangan sahna ko‘rinishlari, milliy raqslar hamda Alisher Navoiy ijodidan namunalar ijro etildi. Shoir g‘azallari va she’rlari ifodali o‘qilib, tomoshabinlarda katta taassurot qoldirdi.
Shuningdek, talabalar va ustozlar o‘rtasida g‘azalxonlik bo‘yicha she’riy bellashuv tashkil etilib, unda ishtirokchilar o‘z bilim va mahoratlarini namoyon etdilar.
Mazkur tadbir Alisher Navoiyning boy adabiy merosini keng targ‘ib etish, yoshlarning ma’naviy dunyoqarashini boyitish hamda milliy adabiyotimizga bo‘lgan qiziqishni yanada oshirishga xizmat qildi.