GYOTE-INSTITUT GRANTI – TERDPI O‘QITUVCHISI GERMANIYADA MALAKA OSHIRADI

Germaniyaning nufuzli Gyote-Instituti tomonidan e’lon qilingan xalqaro grant (stipendiya) loyihasi tanlov natijalariga ko‘ra, Termiz davlat pedagogika instituti (TerDPI) Tillar fakulteti o‘qituvchisi Sarvar Muxammadiev saralashning yakuniy bosqichidan muvaffaqiyatli o‘tib, Germaniyada tashkil etiladigan nemis tili kursida ishtirok etish huquqini qo‘lga kiritdi.

Mazkur grant doirasida ishtirokchi 2026-yil yoz oylarida Germaniyaning Gyote-Institutlaridan birida o‘tkaziladigan nemis tili bo‘yicha malaka oshirish kursida qatnashadi. Rasmiy taklifnoma va kurs hujjatlari 2026-yil mart oyining oxiriga qadar taqdim etilishi rejalashtirilgan.

Ushbu yutuq TerDPI Tillar fakulteti o‘qituvchilarining xalqaro grant dasturlaridagi faolligi, kasbiy rivoji hamda O‘zbekiston ta’lim tizimining xalqaro maydondagi nufuzini oshirishga xizmat qiladi.