“Kelajak soati” rukni ostidagi navbatdagi “Ma’rifat darsi”
Bugun Termiz davlat pedagogika instituti talabalari ishtirokida Yoshlar masalalari, ma'naviy-marifiy ishlar bo'yicha birinchi prorektor Ulug'bek Turamuratov tomonidan Maktabgacha va maktab ta’limi vazirligi tomonidan Milliytarbiya.uz platformasi orqali amalga oshirilayotgan “Kelajak soati” rukni ostida “Ma'naviyat,axloq va mehr-oqibat” mavzusida navbatdagi "Ma’rifat darsi" tashkil etildi.
Dars jarayonida talabalarga ma’naviy qadriyatlarning jamiyat va shaxs hayotidagi o‘rni, axloqiy mas’uliyat, insoniylik, mehr-oqibat va o‘zaro hurmat tamoyillari haqida atroflicha tushunchalar berildi. Shuningdek, yoshlarni barkamol shaxs sifatida tarbiyalashda ma’naviyatning ahamiyati alohida ta’kidlandi.
Tadbir talaba-yoshlar tomonidan katta qiziqish bilan qabul qilinib, savol-javoblar va fikr almashuvlar bilan yanada mazmunli o‘tdi.