Termiz davlat pedagogika instituti Yoshlar ittifoqi boshlang'ich tashkiloti Besh tashabbus loyihalar koordinatori O.Omonova tomonidan talaba-yoshlar o'rtasida “Kitobxon millat” tanlovi tashkil etildi .

Institut talaba-yoshlari o‘rtasida kitobxonlik madaniyatini yuksaltirish, badiiy adabiyotga bo‘lgan qiziqishni kuchaytirish maqsadida “Kitobxon millat” tanlovi tashkil etildi.

Mazkur tanlovda faol va tashabbuskor yosh kitobxonlar ishtirok etib, o‘zlari sevib mutolaa qilgan asarlar haqida atroflicha va mazmunli chiqishlar qilishdi. Ishtirokchilar asarlarning g‘oyaviy-badiiy ahamiyati, muallif mahorati hamda o‘qish jarayonida olgan shaxsiy taassurotlari bilan o‘rtoqlashib, o‘z bilim va dunyoqarashlarini namoyon etdilar.

Tanlov yakunida faol qatnashgan yosh kitobxonlar tashakkurnomalar bilan taqdirlandi. Tadbir ko‘tarinki ruhda, samimiy va mazmunli muhitda o‘tkazilib, ishtirokchilarda kitobga bo‘lgan muhabbatni yanada mustahkamlashga xizmat qildi.