Termiz davlat pedagogika institutida amaliyot hisobot konferensiyasi bo‘lib o‘tdi
Joriy yil 14-yanvar kuni Termiz davlat pedagogika instituti Tabiiy va aniq fanlar fakulteti Biologiya ta’lim yo‘nalishi 4-kurs talabalari uchun 4+2 amaliyot dasturi doirasida sentyabr-dekabr oylaridagi 4 oylik amaliyot hisobot konferensiyasi tashkil etildi.
Tadbirda fakultet dekani P.Tojiyev, Talabalar kafedra mudiri va amaliyot bo‘limi boshlig‘i O‘.Eshmo‘minov hamda amaliyot rahbarlari ishtirok etishdi. Konferensiyada amaliyot jarayonlarini samarali va tashkiliy jihatdan puxta tashkil etish, talabalarning bilim, ko‘nikma va malakalarini adolatli va xolisona baholash yuzasidan muhim masalalar muhokama qilindi. Shuningdek, amaliyot davomida yuzaga kelishi mumkin bo‘lgan kamchilik va qoidabuzarliklarning oldini olish maqsadida doimiy nazorat olib borilishi haqida tushuntirishlar berildi.
Ushbu konferensiya talabalarning amaliy tajribalarini baholash va sifatini oshirish, ta’lim jarayonini yanada yaxshilashga qaratilgan muhim tadbir bo‘ldi.