Narkojinoyatlarga qarshi muhim qadam!
Oʻzbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida”gi PF-207-son farmoni ijrosi yuzasidan Termiz davlat pedagogika institutida bir qator samarali ishlar amalga oshirilmoqda.
Amalga oshirilayotgan ishlar qatorida bugun oliygoh profilaktika inspektorlari bilan hamkorlikda "narkojinoyat"larga aloqador o‘quvchi va talabalar haqida anonim xabar berish imkoniyatini beruvchi maxsus anonim xabar qutilari tayyorlanib, belgilangan joylarga o'rnatildi va muhrlandi.
Ushbu xabar qutilari:
institutning barcha o‘quv binolarida;
talabalar turar joylarida;
talabalar qatnovi ko‘p bo'lgan hududlarda o‘rnatildi.
Ishonchingiz komil bo'lsin, anonimlik to‘liq kafolatlanadi! Unutmang! Har bir xabar — yoshlarimizni zararli illatlardan asrash, sog‘lom muhitni ta’minlash va kelajak avlod genofondini himoya qilish yo‘lidagi muhim hissadir.
Birgalikda giyohvandlikka qarshi kurashaylik!
zero sog‘lom muhit — barqaror kelajak garovi.