Murojaatnoma

 O‘zbekiston Respublikasi Prezidenti tomonidan Oliy Majlis va O‘zbekiston xalqiga yo‘llangan Murojaatnomada belgilab berilgan ustuvor yo‘nalishlar hamda muhim vazifalar mazmun-mohiyatini keng targ‘ib etish maqsadida Termiz davlat pedagogika instituti professor-o‘qituvchilari tomonidan Termiz tumanida joylashgan maktablar direktorlari uchun o‘quv-seminar tashkil etildi.

Mazkur seminar doirasida Prezident Murojaatnomasida ta’lim sohasini rivojlantirish, yoshlar tarbiyasi, ta’lim sifatini oshirish, pedagoglarning kasbiy salohiyatini yuksaltirish hamda ijtimoiy sohani takomillashtirishga qaratilgan ustuvor vazifalar atroflicha tushuntirildi.

Seminar davomida Murojaatnomada belgilangan vazifalarni ta’lim muassasalarida amaliyotga joriy etish, islohotlar ijrosini ta’minlash hamda kelgusidagi ustuvor yo‘nalishlar yuzasidan fikr-mulohazalar bildirildi.