Termiz davlat pedagogika instituti professor-o‘qituvchilari xalqaro mintaqaviy tadbirda ishtirok etdilar
Joriy yil 6–7-yanvar kunlari PRESETT va “Accelerating English Language Learning in Central Asia” loyihalari doirasida mintaqaviy xalqaro tadbir bo‘lib o‘tdi.
Mazkur tadbir Markaziy Osiyoda ingliz tilini o‘qitish sifatini oshirish, bo‘lajak va amaldagi o‘qituvchilarning kasbiy rivojini qo‘llab-quvvatlash hamda ta’lim muassasalari o‘rtasida hamkorlikni mustahkamlashga qaratildi. Tadbirda 211 nafar ishtirokchi, jumladan, 50 dan ortiq davlat va nodavlat oliy ta’lim muassasalari vakillari qatnashdi. Unda Termiz davlat pedagogika instituti professor-o‘qituvchilari ham faol ishtirok etdilar.
Ikki kun davom etgan tadbir davomida ingliz tilini o‘qitishda zamonaviy va innovatsion yondashuvlar, sun’iy intellekt (AI) imkoniyatlari, o‘qituvchilarni tayyorlash va tajriba almashish masalalari muhokama qilindi.
Mazkur xalqaro tadbir ingliz tili ta’limini rivojlantirish va ta’lim sifatini oshirish yo‘lidagi muhim qadam bo‘ladi nazarimizda.