Imom Termiziy xalqaro ilmiy-tadqiqot markazi bilan hamkorlikda “O‘zbekiston — buyuk allomalar yurti” mavzusida onlayn seminar tashkil etildi.

Institutda qishki ta’til davrida talabalarning bo‘sh vaqtini mazmunli tashkil etish, talaba-yoshlarning kitob mutolaasiga bo‘lgan qiziqishini yanada oshirish hamda ularni milliy merosga hurmat ruhida tarbiyalash maqsadida Imom Termiziy xalqaro ilmiy-tadqiqot markazi bilan hamkorlikda “O‘zbekiston — buyuk allomalar yurti” mavzusida onlayn seminar tashkil etildi.

Mazkur seminar davomida yurtimizdan yetishib chiqqan buyuk allomalar, ularning ilm-fan taraqqiyotiga qo‘shgan beqiyos hissasi, boy ma’naviy merosi haqida atroflicha ma’lumotlar berildi. Xususan, “Termiziylar — avlodimiz” shiori ostida vohamiz hududida yashab o‘tgan ko‘plab allomalar hayoti va ilmiy faoliyatiga alohida to‘xtalib o‘tildi. 

Tadbir talabalarning ilmga bo‘lgan qiziqishini oshirish, tarixiy merosimizni chuqurroq anglashga xizmat qildi.