Ochiq dars

Termiz davlat pedagogika institutida O‘zbek tili va adabiyoti yo‘nalishi 2-bosqich 24-03,24-04-guruh talabalari uchun “Hozirgi oʻzbek adabiy tili” fanidan ochiq ma'ruza mashgʻuloti tashkil etildi.

Mazkur ochiq dars O‘zbek tili va adabiyoti kafedrasi katta o‘qituvchisi Najibullo Sayfullayev tomonidan “Fe'llarda aloqa-munosabat kategoriyalari” mavzusida ma'ruza mashg‘uloti shaklida olib borildi.

Mashg‘ulot davomida oʻqituvchi tomonidan talabalarga fe'llar, ularning aloqa-munosabat kategoriyalariga oid ma'lumotlar zamonaviy pedagogik texnologiyalar orqali yetkazib berildi. Talabalar dars jarayonida faol ishtirok etib, oʻzlarini qiziqtirgan savollarga javob olishdi.

Ochiq darsda institut professor-o‘qituvchilari ishtirok etib, mashg‘ulotning mazmuni, metodik tashkil etilishi va ta’limiy samaradorligini ijobiy baholadilar.