Termiz davlat pedagogika instituti – “Akademik harakatchanlik” dasturi g‘oliblari qatorida!

2025-yilgi “Akademik harakatchanlik” dasturining 4-mavsumi g‘oliblari aniqlandi. 194 nafar talabgor orasidan 29 nafar yosh olim tanlovda zafar quchdi. Bugun g‘oliblarga tantanali ravishda sertifikatlar topshirildi.

Quvonarlisi, ushbu g‘oliblar orasida Termiz davlat pedagogika instituti tayanch doktaranti Alimardanova Sitora Ikrom qizi ham bor. U inklyuziv ta’limga mo‘ljallangan o‘quvchilar uchun yozish texnikasini shakllantirishga yordam beruvchi ellik toʻrt milion besh yuz ming so‘mlik innovatsion loyihasi bilan ishtirok etdi va muvaffaqiyatga erishdi.

Yosh olimning loyihasi to‘liq moliyalashtiriladi hamda ilmiy izlanishlarni olib borishi uchun barcha zarur shart-sharoitlar yaratilib, qo‘llab-quvvatlanadi.

Bu yutuq Termiz davlat pedagogika institutining ilmiy faoliyatini yanada rivojlantirish, yosh olimlarni rag‘batlantirish yo‘lidagi muhim qadamdir.