“Yangi yilga — yangi maqsadlar!”

Maktabgacha va boshlang‘ich ta’lim fakultetida “Yangi yilga — yangi maqsadlar” shiori ostida bayram tadbiri yuqori saviyada tashkil etildi. Tadbirning asosiy maqsadi yangi yil arafasida talaba-yoshlarning kayfiyatini ko‘tarish, ularni yangi marralar sari ruhlantirish hamda jamoada ijobiy muhitni mustahkamlashdan iborat bo‘ldi.

Bayram dasturi doirasida Qorbobo, Qorqiz hamda turli ertak qahramonlarining sahna ko‘rinishlari namoyish etilib, tadbirga o‘zgacha fayz va bayramona ruh bag‘ishladi. Ularning qiziqarli chiqishlari ishtirokchilarda quvonch va ko‘tarinki kayfiyat uyg‘otdi.

 Shuningdek, fakultet koordinatori tomonidan tayyorlangan qiziqarli shartlar, o‘yinlar va bellashuvlar bayram shukuhini yanada oshirdi. Faol ishtirok etgan talabalar rag‘batlantirilib, tadbir barcha qatnashchilar uchun unutilmas taassurotlarga boy tarzda o‘tdi.