Qozon Federal Universitetining Elabuga instituti va Termiz Davlat Pedagogika Instituti hamkorlikni mustahkamlashga qaratilgan yana bir qadamni qo'ydi.
Rossiya Federatsiyasi Qozon Federal Universitetining Elabuga instituti rahbariyati Termiz Davlat Pedagogika Instituti rektori Xasanov Azizbek Baxtiyarovich boshchiligida delegatsiyasini qabul qildi. Rasmiy tashrif uchrashuvini Elabuga instituti direktori Umarov Marat Fayzullayevich olib borib hamkorlikning samarali natijalari borasida so'z yuritdi.
Uchrashuvda qo‘shma ta’lim dasturlari va ilmiy loyihalarni rivojlantirish masalalari ham muhokama qilinib qo'shma dastur asosida 1+1 magistratura bosqichida tahsil olish uchun tashrif buyurgan 10 nafar magistrantlarning fikr mulohazalari tinglandi. Talabalar o‘quv yili yakuniga qadar ikki universitet diplomi bilan taqdirlanib nufuzli oliy ta'lim muassasalarining tengsiz bilimlarini olishga sazovor bo'lish imkoniyatidan mamnunliklarini ta'kidlashdi.
Tadbir Rossiya va O‘zbekiston o‘rtasidagi akademik hamkorlikni rivojlantirish yo‘lida muhim qadam bo‘ldi.