Termiz davlat pedagogika institutida profilaktik tadbir

“Xavfsiz va sog‘lom yurt” hamda “Dolzarb 40 kun” oyligi doirasida institutda navbatdagi profilaktik uchrashuv bo‘lib o‘tdi.

Tadbirda Termiz tuman IIBning OTM profilaktika inspektorlari B. Allaberdiyev va S. Amanov talabalar bilan ochiq muloqot olib bordilar.

Uchrashuv davomida talabalarga:
 internet va ijtimoiy tarmoqlardan to‘g‘ri foydalanish,
 noqonuniy harakatlardan yiroq bo‘lish,
 shaxsiy ma’lumotlarni himoya qilish,
onlayn firibgarliklardan saqlanish bo‘yicha zarur tavsiyalar berildi.

Shuningdek, sog‘lom turmush tarzini targ‘ib qilish, giyohvandlik va psixotrop moddalar savdosiga qarshi kurashish, stress holatlarida to‘g‘ri yo‘l tutish kabi dolzarb mavzular muhokama qilindi.

Talabalarga yotoqxona hududida umumiy tartib-qoidalar, jamoat joylarida o‘zini tutish madaniyati hamda xavfsizlik me’yorlariga rioya etishning ahamiyati tushuntirildi. Profilaktik targ‘ibot-tashviqot ishlari yuqori faollik bilan olib borildi.