TerDPI professor-o‘qituvchilari Moskva davlat pedagogika institutida malaka oshirmoqda

Tabiiy va aniq fanlar fakulteti dekani Tojiyev Panji Jovliyevich hamda Kimyo-biologiya kafedrasi dotsenti Jumayev Xudoyberdi Kurbandurdiyevich Moskva davlat pedagogika institutida tashkil etilgan “Обновление содержания естественного образования в условиях цифровой трансформации образования” mavzusidagi malaka oshirish kursida ishtirok etmoqdalar.

 Mazkur malaka oshirish dasturi Maktab va maktabgacha ta’lim vazirligi hamkorligida tashkil etilgan bo‘lib, bir oy davomida 144 soatlik nazariy-amaliy mashg‘ulotlarni o‘z ichiga oladi.

 Mashg‘ulotlar ta’lim jarayonida zamonaviy texnologiyalarni qo‘llash, tabiiy fanlarni o‘qitishda innovatsion yondashuvlar va raqamli transformatsiya jarayonlari bo‘yicha olib borilmoqda.

Darslar Rossiya Fanlar akademiyasi akademigi, fizika-matematika fanlari doktori Naumov Andrey Vitalyevich tomonidan olib borilmoqda.