Akademik litseyda diktant va insho tanlovi o‘tkazildi

Termiz davlat pedagogika instituti Akademik litseyida o‘quvchilarning bilim saviyasini baholash, ijodiy salohiyatini rivojlantirish hamda ona tiliga bo‘lgan qiziqishlarini oshirish maqsadida diktant va insho tanlovi bo‘lib o‘tdi.

Tanlov O‘zbek tili va adabiyoti kafedrasi mudiri L.Mardonova hamda kafedraning professor-o‘qituvchilari tomonidan tashkil etildi. Unda barcha kurs o‘quvchilari ishtirok etib, savodxonlik, fikrni izchil bayon etish va adabiy me’yorlarga amal qilish mezonlari asosida baholandi.

Jarayonlarning adolatli o‘tishi uchun maxsus komissiya tuzilib, ishtirokchilarning ijodiy ishlari belgilangan talablarga muvofiq ko‘rib chiqildi. Eng yuqori natijalarni ko‘rsatgan o‘quvchilar tanlov g‘olibi deb topilib, esdalik sovg‘alari bilan taqdirlandi.

Tadbir o‘quvchilarning til madaniyatini yuksaltirish, mustaqil fikrlash ko‘nikmalarini rivojlantirish va ijodga bo‘lgan qiziqishini oshirishda muhim ahamiyat kasb etdi.