Talabalarning yashash sharoiti o‘rganildi
Termiz davlat pedagogika instituti mas'ul xodimlari va Surxondaryo viloyati FVB tomonidan kuz-qish mavsumiga tayyorgarlik yuzasidan talabalar yashayotgan ijara uylariga navbatdagi tashrif amalga oshirildi.
Tashrif davomida yashash sharoiti, tozalik va xavfsizlik holati o‘rganildi. Talabalar bilan ochiq muloqot o‘tkazilib, ularning ehtiyoj va takliflari tinglandi. Tarbiya, axloq va talabalik mas’uliyati bo‘yicha tavsiyalar berildi.
Bunday tashriflar sog‘lom va xavfsiz muhit yaratish, muammolarni joyida hal qilish va talabalar bilan doimiy muloqotni ta’minlashga xizmat qilmoqda.