TerDPI da “Talabalikka bagʻishlov” tadbiri tantanali ravishda oʻtkazildi

Termiz shahrida joylashgan muhtasham “San’at saroyi” majmuasida 2025/2026-oʻquv yilida 1-bosqichga qabul qilingan talabalar uchun “Talabalikka bagʻishlov” tadbiri o’tkazildi.

Tadbirni institut rektori A.Xasanov kirish soʻzi bilan ochib berib, oʻz nutqida mamlakatimizda ta’lim sohasidagi islohotlar, yoshlarga berilayotgan keng imkoniyatlar haqida toʻxtalib, barcha talabalarning Vatanimiz ravnaqiga munosib hissa qo’shishlariga tilak bildirdi.

Shundan so‘ng, talabalikka ilk qadam qo‘ygan yoshlar o‘z sohasining yetuk mutaxassislari bo‘lib yetishishga, ota-ona oldidagi farzandlik burchini unutmaslik, uni to‘la ado etish uchun bor bilimlarini bag‘ishlashga, tanlangan mutaxassislik bo‘yicha amaliy bilim va ko‘nikmalarni muntazam ravishda o‘zlashtirishga, o‘quv rejasi va dasturlarda belgilangan mashg‘ulotlarni o‘z muddatida bajarish va o‘quv mashg‘ulotlarida doimiy ravishda qatnashishga, Institut ichki tartib-qoidalariga rioya qilishni o‘zlarining muqaddas burchi deb hisoblashga tantanali ravishda qasamyod qilishdi rektor tomonidan  "Bilimlar kaliti" ni qabul qilib olishdi. 

Shuningdek, "Yilning eng faol talabasi - 2025" tanlovining institut bosqichi g'oliblariga tantanali ravishda sertifikat hamda vaucherlar topshirildi. ( 3 mln soʻm, 2 mln soʻm, 1 mln 500 ming soʻm)

Tadbirning badiiy qismida Respublikadan tashrif buyurgan el ardogʻidagi sanʼatkorlar tomonidan konsert dasturi namoyish etildi.