Termiz davlat pedagogika institutida 11-noyabr – “Kasaba uyushmalari kuni” munosabati bilan sportning kurash turi boʻyicha musobaqa boʻlib oʻtdi.

Milliy kurash – oʻzbek xalqining eng qadimiy sport turlaridan biri boʻlib, u nafaqat jismoniy kuch va epchillikni, balki ulugʻvorlik, halollik va mardlikni tarannum etadi. Ajdodlarimiz ming yillar davomida kurashni nafaqat sport, balki marosim, bayram va xalqning birligini ifodalovchi boy anʼana sifatida qadrlashgan. Soʻngi yillarda mamlakatimizda ham ushbu sport turini yanada rivojlantirishga alohida eʼtibor qaratilmoqda.