Termiz davlat pedagogika institutida talabalar turar joylarida xavfsizlik choralari kuchaytirilmoqda

Termiz davlat pedagogika institutida talabalar turar joylarida hamda ijarada yashovchi talabalar o‘rtasida jinoyatchilik va huquqbuzarlikning oldini olish maqsadida “Xavfsiz talaba” oyligi doirasida navbatdagi targ‘ibot-tashviqot tadbiri o‘tkazildi.

Tadbir davomida talabalar o‘rtasida “Odob-axloq kodeksi” hamda ichki tartib qoida talablariga rioya qilish yuzasidan tushuntirish ishlari olib borildi. Shuningdek, jinoyatchilik va huquqbuzarliklarning oldini olishga qaratilgan profilaktik chora-tadbirlar muhokama qilindi.

Ushbu targ‘ibot tadbirlarining asosiy maqsadi — talabalar turar joylarida xavfsizlikni ta’minlash, tartib-intizomni mustahkamlash hamda institutda yanada qulay va xavfsiz ta’lim muhitini yaratishdan iboratdir.