Termiz davlat pedagogika institutida ma’naviy-ma’rifiy tadbir bo‘lib o‘tdi

Termiz davlat pedagogika institutining iqtidorli talabalari ishtirokida “Jaholatga qarshi – ma’rifat bilan kurash!” mavzusida ma’naviy-ma’rifiy tadbir tashkil etildi.

Tadbirda Imom Termiziy xalqaro ilmiy-tadqiqot markazi masʼul xodimi, institutning Yoshlar masalalari va ma’naviy-ma’rifiy ishlar bo‘yicha birinchi prorektori U.Turamuratov, Xotin-qizlar masalalari bo‘yicha rektor maslahatchisi S.Tursunova, shuningdek, o‘qituvchilar va talabalar ishtirok etdilar.

Tadbir davomida yoshlar ongida vatanparvarlik, bag‘rikenglik va adolat kabi milliy hamda umuminsoniy qadriyatlarni mustahkamlash, jaholat va yot g‘oyalarga qarshi ilm-ma’rifat bilan kurashish, inson huquq va erkinliklarini e’zozlashning jamiyat taraqqiyotidagi o‘rni haqida atroflicha so‘z yuritildi.