“Rektor va magistrlar uchrashuvi”
Bugun Termiz davlat pedagogika institutida rektori A.Xasanov ishtirokida “Rektor va magistrantlar uchrashuvi” tashkil etildi.
Uchrashuvda rektor magistratura bosqichida tahsil olayotgan talabalarga yaratilayotgan shart-sharoitlar, davlat tomonidan ko‘rsatilayotgan e’tibor, xususan, xotin-qizlarning ta'lim olishlari uchun yaratib berilayotgan imkoniyatlar, magistrlik dissertatsiyasi ishlarini muammoli holatlarni bartaraf etishga qaratgan holda hududni ijtimoiy-iqtisodiy rivojlantirishga e'tibor berish, ilmiy maqolalarni xalqaro va OAK jurnallarida chop ettirish kabi masalalar yuzasidan batafsil ma’lumot berdi.
Shuningdek, uchrashuv davomida soha prorektorlar va magistratura bo‘limi boshlig‘i tomonidan o‘quv va ilmiy jarayonlarni samarali tashkil etish, tartib-intizomga rioya etish hamda ilmiy faoliyatni sifatli olib borish bo‘yicha tavsiyalar berdilar.
Magistrantlar tomonidan bildirilgan fikr va takliflari uchrashuv davomida muhokama qilingan holda tegishli mas'ullarka ko'rsatmalar berildi.