“Kiber madaniyatni yuksaltirish” oyligi doirasida targ‘ibot tadbiri o‘tkazildi
Termiz davlat pedagogika instituti Tillar fakultetida “Kiber madaniyatni yuksaltirish” oyligi doirasida “Biz ommaviy madaniyatning salbiy oqibatlariga qarshimiz” mavzusida profilaktik tadbir tashkil etildi.
Tadbir davomida ijtimoiy tarmoqlarda uchrayotgan kiberjinoyatlar, xususan kiberfiribgarlik va shaxsiy ma’lumotlarni o‘g‘irlash kabi holatlar yuzasidan batafsil ma’lumot berildi. Mutaxassislar tomonidan talabalarga axborot xavfsizligini ta’minlash, shaxsiy ma’lumotlarni himoya qilish, onlayn muhitda ehtiyotkorlik bilan harakat qilishga doir tavsiyalar berildi.
Shuningdek, ommaviy madaniyatning salbiy ta’siri masalalari yoritilib, talaba-yoshlar o‘rtasida ma’naviy yetuklik, mustahkam hayotiy pozitsiya hamda axborot madaniyatini rivojlantirish zarurligi ta’kidlandi.
Mazkur tadbir talabalarning kiber savodxonligini oshirish, ommaviy madaniyatning salbiy oqibatlarini oldini olish va axborot xavfsizligi madaniyatini shakllantirishga qaratilgan.