“INNODAYS – STEAM ORQALI IJOD VA YANGILIK!” KO‘RGAZMASI BO‘LIB O‘TDI
Bugun Termiz davlat pedagogika instituti Maktabgacha va boshlang‘ich ta’lim fakultetida, Boshlang‘ich ta’lim kafedrasi tashabbusi bilan “INNODAYS – STEAM orqali ijod va yangilik!” mavzusida talabalarning ijodiy ishlanmalar ko‘rgazmasi o‘tkazildi.
Tadbirni institutning ilmiy ishlar va innovatsiyalar bo‘yicha prorektori Sh.Kuldasheva ochib berib, talabalarning ijodiy salohiyatini ro‘yobga chiqarish, STEAM yondashuvining ta’limdagi o‘rni va innovatsion fikrlashni shakllantirish ahamiyati haqida so‘z yuritdi.
Tadbirning maqsadi — talabalarning STEAM (Science, Technology, Engineering, Art, Mathematics) yo‘nalishlaridagi bilim va ko‘nikmalarini amaliyot bilan uyg‘unlashtirish, ularni yangicha fikrlash va ijodiy yondashuvga undashdan iboratdir.
Ko‘rgazma davomida talabalar o‘zlari ishlab chiqqan robototexnika modullari, ekologik ishlanmalar hamda interaktiv o‘quv vositalarini taqdim etdilar. Namoyish etilgan loyihalarda innovatsion g‘oya va fanlararo integratsiya alohida e’tirof etildi.
Eng faol ishtirokchilar “Eng innovatsion loyiha”, “Eng kreativ yechim” va “STEAM texnologiyalaridan samarali foydalanish” nominatsiyalari bo‘yicha taqdirlandilar.
Tadbir talabalarning ijodkorligini qo‘llab-quvvatlash, ilm-fan va amaliyotni integratsiyalashga xizmat qildi.