“Lazzatli Surxon” xalqaro festivalining galakonsert dasturi!

Bugun Boysun tumanidagi “Boysun bahori” turizm majmuasida o‘tkazilayotgan “Lazzatli Surxon” xalqaro gastronomik festivali doirasida yozgi amfiteatr sahnasida tantanali galakonsert dasturi bo‘lib o‘tdi.

Kecha davomida O‘zbekistonda xizmat ko‘rsatgan artist Hosila Rahimova, estradamiz yulduzi Jasur Mavlonov, Tojikistondan tashrif buyurgan san’atkorlar hamda Surxon vohasining iste’dodli xonandalari va ijodkorlari o‘z chiqishlari bilan tomoshabinlarga bayramona kayfiyat ulashdi.

Galakonsert davomida milliy kuy-qo‘shiqlar, raqslar, folklor jamoalari chiqishlari, shuningdek, turli xalqlar madaniyatini aks ettiruvchi sahna ko‘rinishlari festival kechasiga yanada o‘zgacha ruh bag‘ishladi.

Shuningdek, ushbu galakonsertda Termiz davlat pedagogika instituti rektori A.Xasanov ham ishtirok etdi.

“Lazzatli Surxon” — milliy qadriyatlar, mehmondo‘stlik va san’at uyg‘unligi namoyishi!