Termiz davlat pedagogika institutida amaliy seminar bo‘lib o‘tdi.

Surxondaryo viloyati Pedagogik mahorat markazi hamda Termiz davlat pedagogika instituti hamkorligida nemis tili o‘qituvchilari uchun “Tillarni o‘qitishda motivatsion o‘yinlar” mavzusida amaliy seminar tashkil etildi.

Seminarda Germaniyadan tashrif buyurgan SES eksperti Klaus Dautel ishtirok etib, o‘qituvchilarga dars jarayonida o‘yin texnologiyalaridan samarali foydalanish, o‘quvchilarda o‘rganishga bo‘lgan motivatsiyani oshirish hamda interaktiv metodlarni tatbiq etish bo‘yicha o‘z tajribasi bilan o‘rtoqlashdi.

Tadbir davomida ishtirokchilar yangi metodlar va amaliy o‘yinlar namunalarini sinab ko‘rib, ularni o‘z dars jarayonlariga tatbiq etish bo‘yicha foydali tavsiyalar oldilar.

 Mazkur seminar nemis tili o‘qituvchilarining kasbiy mahoratini oshirish, ta’limda ilg‘or xorijiy tajribalarni joriy etish va o‘quv jarayonini yanada samarali tashkil etishga xizmat qildi.