Termiz davlat pedagogika instituti Tabiiy va aniq fanlar fakultetida profilaktik tadbir o‘tkazildi.

Tadbirda fakultet dekani P.Tojiyev, yoshlar masalalari bo‘yicha dekan o‘rinbosari R.Esanov, tyutorlar hamda institut profilaktika inspektorlari — kapitan S.Amanov va katta leytenant B.Allaberdiyevlar ishtirok etishdi.

Tadbir davomida davomat, tartib-intizom, kiberxavfsizlik masalalari, shuningdek, talaba-yoshlar o‘rtasida huquqbuzarlik va jinoyatchilikning oldini olish, ularning huquqiy oqibatlari yuzasidan tushuntirish va targ‘ibot-tashviqot ishlari olib borildi.

Mazkur tadbir yoshlarni qonunlarga hurmat ruhida tarbiyalash, huquqiy ongi va madaniyatini yuksaltirish, shuningdek, mas’uliyatli fuqarolik pozitsiyasini shakllantirishga xizmat qiladi.