Topshiriqlar ijrosi amalda
O‘zbekiston Respublikasi Prezidenti Administratsiyasi va Yangi Oʻzbekiston universiteti mas’ullari Termiz davlat pedagogika institutida bo'lishdi.
Tashrifdan ko‘zlangan asosiy maqsad — mamlakatimizda oliy ta’lim tizimini modernizatsiya qilish, ta’lim jarayonlariga ilg‘or axborot-kommunikatsiya texnologiyalarini joriy etish hamda raqamli ta’lim muhitini shakllantirish borasida amalga oshirilayotgan ishlar holatini o‘rganishdan iborat bo‘ldi.
Mas’ullar institutda talabalarga yaratilgan o‘quv, ilmiy va ijtimoiy sharoitlar, zamonaviy ta’lim infratuzilmasi, auditoriyalar, laboratoriyalar va axborot-resurs markazi faoliyati bilan yaqindan tanishdi. Shu bilan birga, o‘qituvchi va talabalarning o‘zaro hamkorlikdagi ta’lim muhitini yanada rivojlantirish, innovatsion metodlarni o‘quv jarayonlariga tatbiq etish masalalari yuzasidan fikr almashildi.
Tashrif davomida Termiz davlat pedagogika institutida ta’lim jarayonlarini raqamlashtirish, mashg‘ulotlarning samaradorligini oshirish hamda zamonaviy sun’iy intellekt texnologiyalarini ta’lim tizimiga integratsiya qilish maqsadida “AI Maktab” platformasini joriy etish bo‘yicha amalga oshirilishi lozim bo’lgan ishlar muhokama qilindi.
Shu bilan birga, talabalarning amaliy bilimlarni chuqurlashtirish maqsadida faoliyat boshlagan “Eksperimental psixologiya” laboratoriyasida olib borilayotgan ishlar bilan ham tanishildi. Mazkur laboratoriya faoliyati samarali amaliy tajriba sifatida baholanib, kelgusida bu yo‘nalishdagi ishlarni boshqa ta’lim muassasalarida ham keng tatbiq etish, metodik jihatdan yagona tizim asosida rivojlantirish zarurligi alohida ta’kidlandi.