Vazir Surxondaryoda: ta‘lim muassasalari faoliyati o‘rganilmoqda
Ayni damda Maktabgacha va maktab ta‘limi vaziri E‘zoza Karimova Surxondaryo viloyatida bo‘lib turibdi.
Uchrashuvlar avvalida vazir Termiz davlat pedagogika institutida faoliyati, loyihalar hamda amalga oshirilayotgan ishlar bilan yaqindan tanishdi.
Shundan so‘ng, faol talabalar ishtirokida "Vazir va talaba-yoshlar" muloqoti tashkil etildi. Jarayonlar qizg‘in shaklda o‘tib, talabalar o‘z taklif hamda mulohazalarini bildirishdi.
Shu kuni vazir E‘zoza Karimova Termiz tumanidagi 12-sonli MTT, 3-umumta‘lim maktabi, Angor tumanidagi 13-MTT va Jarqo‘rg‘on tumanida joylashgan 66-maktabda ham bo‘ldi.
Jarayonlar davomida vazir ta'lim muassasalarida yaratilgan sharoitlarni ko'zdan kechirib, mas‘ullarning axborotlariga quloq tutdi va tegishli ko‘rsatmalarni berdi.