TerDPIda Sankt-Peterburglik olim dars mashg‘ulotlarini o‘tmoqda

Bugun Termiz davlat pedagogika institutiga Rossiyaning Sankt-Peterburg shahridagi V.L. Komarov nomidagi Rossiya Fanlar akademiyasi Botanika instituti professori, biologiya fanlari doktori Kirill Gavriilovich Tkachenko tashrif buyurdi.

Tashrif doirasida professor Tabiiy va aniq fanlar fakultetining 4-bosqich biologiya yo'nalishi talabalariga “Dorivor o‘simliklar” fanidan dars mashg‘ulotlari o‘tmoqda. U mashg‘ulotlar davomida talabalarga dorivor o‘simliklarning turlari, ularning biologik xususiyatlari va amaliy ahamiyati haqida nazariy va amaliy bilimlar berishni maqsad qilgan.

Mazkur tashrif xorijlik tajribali mutaxassislarning ilg‘or ilmiy yondashuvlari va metodikalarini o‘rganish, shuningdek, talabalarimizning kasbiy salohiyatini oshirishga xizmat qiladi.
Dars mashg‘ulotlari 31-oktabrga qadar davom etadi.