Talabalar ota-onalari bilan uchrashuv o‘tkazildi

2025-yil 22-oktabr kuni Termiz davlat pedagogika instituti Jismoniy madaniyat va san’at fakultetida 1-bosqich talabalarning ota-onalari bilan yig‘ilish tashkil etildi.

Uchrashuvda fakultet dekani Sh. Xudoyberdiyev, profilaktika inspektorlari S. Amanov, B. Allaberdiyev, dekan o‘rinbosarlari, kafedra mudirlari, o‘qituvchilar va tyutorlar ishtirok etishdi.

Suhbat davomida talabalarning kiyinish madaniyati, odob-ahloqi, tartib-intizomi, mobil aloqa vositalaridan to‘g‘ri foydalanish, darslarga qatnashish, kitob o‘qish odatini shakllantirish va ota-onalarning farzand tarbiyasidagi nazorati masalalari muhokama qilindi.