Xalqaro hamkorlik

Termiz davlat pedagogika instituti Turkiyaning nufuzli Yildiz Texnika universiteti bilan hamkorlik memorandumini imzoladi.
Mazkur kelishuv Yildiz Texnika universiteti rektori Prof. Dr. Eyüp Debik hamda TerDPI ilmiy ishlar va innovatsiyalar bo‘yicha prorektori Sh. Kuldasheva tomonidan imzolandi.

Hamkorlik memorandumining maqsadi — ikki oliy ta’lim muassasasi o‘rtasida tajriba almashish, qo‘shma ilmiy tadqiqotlar, ta’lim dasturlari hamda akademik almashinuvlarni rivojlantirishdir.

Shuningdek, kelgusida qo‘shma konferensiyalar tashkil etish, pedagogik amaliyotda innovatsion yondashuvlarni joriy etish va ilmiy-ta’lim aloqalarini yanada mustahkamlash rejalashtirilgan.

Biz ishonamizki, bu hamkorlik TerDPI professor-o‘qituvchilari, ilmiy izlanuvchilari va talaba-magistrlari uchun yangi imkoniyatlar eshigini ochadi hamda kasbiy rivojlanishning yangi bosqichiga olib chiqadi.