Profilaktik tadbir
Termiz davlat pedagogika instituti Tillar fakulteti talabalariga Termiz tumani bosh otin oyi L.Sayfiddinova profilaktika inspektorlari S.Amanov, B.Allaberdiyev psixolog N.Abdullayeva hamda fakultet dekan o'rinbosari Ch.Nodirov va fakultet tyutorlari "Tazyiq va zo‘ravonlik, radikalizmning oldini olish" bo‘yicha targ'ibot ishlari olib borildi. Diniy, huquqiy va psixologik targ‘ibotdan maqsad – bu fuqarolar, ayniqsa yoshlar ongida sog‘lom dunyoqarashni shakllantirish, ularni turli ekstremistik va radikal g‘oyalardan himoya qilishdir.
Bu targ‘ibot orqali diniy bilimlarni to‘g‘ri yetkazish, huquqiy ong va madaniyatni oshirish, psixologik barqarorlikni mustahkamlash ko‘zda tutiladi. Shuningdek, jamiyatda tinchlik, bag‘rikenglik va ijtimoiy barqarorlikni ta’minlash asosiy maqsadlardan biridir.
✍️ TerDPI matbuot xizmati