Termiz davlat pedagogika institutida xalqaro ma'ruza-taqdimot...
Termiz davlat pedagogika institutida Germaniyaning Senior Experten Service (SES) tashkiloti vakili, tajribali mutaxassis Dr. Dautel ishtirokida xalqaro ma’ruza-taqdimot o‘tkazildi.
Tadbir davomida Dr. Dautel Germaniyada nemis tilining ikkinchi til sifatida o‘qitilishi, DaZ (Deutsch als Zweitsprache) konsepsiyasi hamda o‘qituvchining ta’lim jarayonidagi roli haqida so‘z yuritdi. U nemis tili o‘qituvchilari uchun amaliy tavsiyalar, interaktiv metodlar va madaniyatlararo muloqotni rivojlantirish yo‘llarini ham taqdim etdi.
Ma’ruzada Tillar fakulteti professor-o‘qituvchilari, talabalar ishtirok etdi. Ochiq muloqot shaklida o‘tgan tadbirda ishtirokchilar SES eksperti bilan bevosita savol-javob qilish imkoniga ega bo‘lishdi.