Termiz davlat pedagogika institutida xalqaro ilmiy-amaliy konferensiya bo‘lib o‘tdi
Termiz davlat pedagogika institutida O‘zbekiston Respublikasi Prezidentining “2022–2026-yillarga mo‘ljallangan Yangi O‘zbekistonning taraqqiyot strategiyasi to‘g‘risida”gi PF–60-son farmoni hamda Oliy ta’lim, fan va innovatsiyalar vazirligining 2024-yil 27-dekabrdagi 490-sonli buyrug‘i ijrosini ta’minlash maqsadida "Texnologiya va geografiya" kafedrasi tomonidan onlayn va offlayn tarzda “Pedagogik klasteri sharoitida bo‘lajak o‘qituvchilarni tayyorlashning dolzarb muammolarita’limni rivojlantirish muammolari ” mavzusida Xalqaro ilmiy-amaliy konferensiya o‘tkazildi.
Konferensiyaning asosiy maqsadi — pedagogik, texnologik, va geografiya fanlari taʼlimini rivojlantirish sohasida ilmiy-tadqiqot ishlari, ilg‘or tajribalar va innovatsion yondashuvlarni muhokama qilish, shuningdek, ta’lim jarayonida mavjud muammolarga yechim topish hamda rivojlanish istiqbollariga oid ilmiy va amaliy tajribalar bilan fikr almashishdan iboratdir.
Mazkur anjumanda xalqaro miqiyosdagi MDH davlatlari va xorijiy oliy ta’lim muassasalaridan professor-o‘qituvchilar, ilmiy tadqiqotchilar hamda tajribali pedagoglar ishtirok etishdi. Tadbir davomida pedagogik, texnologik va geografiya fanlarining ta’lim tizimida uchrayotgan dolzarb masalalar, o‘quv jarayoniga innovatsion yondashuvlarni joriy etish, o‘qituvchilarning kasbiy mahoratini oshirish hamda ilg‘or xorijiy tajribalarni o‘rganish bo‘yicha takliflar bildirildi.
Konferensiya jarayonida qiziqarli ma’ruzalar tinglanib, amaliy takliflar ilgari surildi va ilmiy tajriba almashildi. Tadbir ilmiy muhit, yangi g‘oyalar va ijodiy fikrlar bilan boyitilib, barcha ishtirokchilarda katta taassurot qoldirdi