Amerika Qo‘shma Shtatlarining Regional Language Office (RLLO) tomonidan Fellow dasturi doirasida tashrif buyurgan inklyuziv ta’lim bo‘yicha mutaxassis Kinsey Norton ishtirokida ingliz tili bo‘yicha “Speaking Niners” nomli to‘garak mashg‘uloti o‘tkazildi.

Termiz davlat pedagogika instituti Tillar fakultetida Amerika Qo‘shma Shtatlarining O‘zbekistondagi elchixonasi huzuridagi Regional Language Office (RLLO) tomonidan Fellow dasturi doirasida tashrif buyurgan inklyuziv ta’lim bo‘yicha mutaxassis Kinsey Norton ishtirokida ingliz tili bo‘yicha “Speaking Niners” nomli to‘garak mashg‘uloti o‘tkazildi.

Mazkur to‘garakka Amaliy ingliz tili kafedrasi o‘qituvchisi Oyjamol Xudoyberdiyeva rahbarlik qilmoqda. Mashg‘ulot davomida talabalar xorijlik mehmon bilan erkin muloqot olib borib, nutq, tinglab tushunish va so‘zlashuv ko‘nikmalarini yanada rivojlantirish imkoniyatiga ega bo‘ldilar.

Kinsey Norton mashg‘ulotni interaktiv tarzda tashkil etib, talabalarni erkin fikr bildirishga, o‘z nuqtayi nazarini ingliz tilida ifodalashga undadi.

Bunday to‘garak mashg‘ulotlari talabalar uchun nafaqat til amaliyotini mustahkamlash, balki madaniyatlararo muloqot ko‘nikmalarini shakllantirish hamda xalqaro ta’lim muhitiga tayyorlashda muhim ahamiyat kasb etadi.