Termiz davlat pedagogika instituti Tillar fakultetida “Ma’rifat ulashib” loyihasi doirasida O‘zbek tili va adabiyoti yo‘nalishi faol talabalari ishtirokida mushoira kechasi o‘tkazildi.
Tadbirda fakultet xotin-qizlar masalalari bo‘yicha dekan o‘rinbosari N. Xamidova, O‘zbek tili va adabiyoti kafedrasi professor-o‘qituvchilari, fakultet tyutorlari hamda talaba-yoshlar ishtirok etishdi.
Mushoira kechasida ijodkor talabalar “Ma’rifat ulashib” loyihasi doirasida tashrif buyurishi kutilayotgan taniqli shoirlarning hayoti va ijodiy faoliyati haqida ma’lumotlar taqdim etishdi hamda ularning she’riy asarlaridan namunalar o‘qishdi.
Tadbir davomida yosh ijodkorlar o‘z ijod namunalarini ham namoyish etishdi. Ularning she’rlarida Vatan, ona tilimiz, ma’rifat va mehr-oqibat kabi yuksak tuyg‘ular ifoda etildi.
Kechaning yakunida faol ishtirok etgan talabalarga fakultet rahbariyati tomonidan tashakkurnomalar topshirildi.